~ تذكره ذهاب بدون عوده هنا للأستاذ ~

مفيش شغل .. والبلد حالها يجنن العفريت
وشباب زي الرز كل يوم بيموت ودمهم في
رقبه مين ؟ .. محدش عارف
وزباله وتلوث وبلطجه و فتنه كل يوم و أنحطاط
في كل حاجه .. و أنسان ملوش قيمه ولا كرامه
مش دا اللي كل واحد فينا حاسه ؟
طيب نهاجر بقي صح ؟!
( مش نفسك تمشي وتسبها تولع عشان نفسك
تعيش * أنسان * )
طب هي أمك زمان مكنتش بتهريك ضرب بسبب
ومن غير وكانت بتلسعك بالمعلقه السخنه وتعضك
والعضه تقعد لها يومين معلمه ؟
فكرت في يوم تهجرها ؟ طب جربت أحساس مرأه الأب ؟
طب سيبك من كلامي وهاجر يا عم * مع الف سلامه *
وهتلاقي مليون بلد * مرأه اب * فاتحين أيدهم لك بالفلوس
ودلع وكل اللي نفسك فيه طول ما انت بتسمع الكلام ومطيع..
بس جرب تعترض كده .. وشوف الوش التاني
هاجر بس فكر هتلاقي فين أحساس
زي أحساسك وسط أهلك
أحساسك انك لك وطن ظروفه غصب عنه مخلياه دايس عليك
بس يوم أكيد هيتعدل حاله .. وهتعيش كريم فيه
لازم تسافر عشان تتعلم و تشتغل وتبقي أحسن وترفع راس بلدك بره
سافر , وارجع ردله الجميل
اما عايز تهاجر وما ترجعش تاني * فمبروك عليك أحساس مرأه الاب
وتذكره ذهاب من غير عوده علي حسابنا هنا للأستاذ *