كان في أنسان مقهور وغلبان
بس راضي بقدره
ويبكي ويشكر المننان
علي كل نعمه
ويقول كفايه اني بصحتي
وكفايه اني أنسان
ع الرغم انه مفيش يوم بيمر
الا وبيتهان
من ظالم او جبان
واللي هنا واكل حقه
واللي هنا مستقوي عليه
وصاحبنا  ولا فارق معاه
ومسلم امره  للرحمن
لحد ما في يوم حرموا عليه
بلده ..

وراح صاحبنا اللي كان مفكر نفسه
أنسان .. راح في طي النسيان
نام ليله مظلوم ورا القطبان 

ومع أول نفس خده بره قطبانها
قالي والله لفي يوم هاهاجر منها
واسيبها
 يكش تولع باللي فيها
 احنا مالنا بيها
 دي معاليها سايبه كلابها تنهش فينا
 دايما مطاطيه للي ناهبها
ومركبانا الذل عشان خايفين عليها

قلت هتفضل بلدنا وواجبنا نحميها
مهما تعمل فينا
يا رب تعالي علي اللي يكرهها
او يفكر يأذيها

قالي شفت ايه انا منها
دا حتي اللقمه مش لاقيها
امراض الدنيا جاتلي فيها
وانا ماشي مجرور في الساقيه
وغيري عايش ومتنعم
فيها
بلد بتقبل انه يكون حاميها حراميها

قلت يا سيدنا أصبر
وهو في حاجه بتفضل ع حالها
دا في لحظه ربك يجيب عاليها واطيها
واللي ظلم  
واللي خان واللي باع راح يجيله يوم
يدوق المر ع اديها
هي بتسكت ع حقها وبتجي علي اللي منها
بس بكره  هتثور وترجع كرامتها
 ورايه الحريه هترفرف علي موانيها


بس صاحبنا هاجربجد وسابها
ولسه في غربته عمال يسب ويلعن فيها
لا منه عايش في خيرها
ولا منه مرتاح في بعده عنها
وهي لسه زي ما هي
لا منها نصفت مظلوم ولا منها
حاكمت ظالم
طب لأمتي هتفضل الموازيين كده مقلوبه 
وبلدنا  مش باين اي  أمل فيها ؟؟

 يا رب ماتخلف ظني ورجع اللي أتغرب لداره وأهله منصور   ..

*مش عايزه ناس كتير تحضر في فرحي
بس عايزه ناس كتير بجد تفرحلي من قلبها

*مش عايزه حد وقت ما اعيط ولا قلبي يتوجع
يقولي معلش متعيطيش
بس عايزه حد يدعي لي ربنا يزيل همي ويبدل دموعي بفرح

*مش عايزه حد يقولي لو أحتجتي حاجه ابقي كلميني
بس عايزه حد وقت ما الدنيا تجي عليا يكون جنبي من غير ما أطلب

* مش عايزه ناس تحسدني ع اللي عندي
بس عايزه ناس تشوف ربنا ابتلاني بايه قبل ما تفكر تحسد

*مش عايزه حد ينتقدني عمال ع بطال
بس عايزه حد يحط نفسه مكاني قبل ما يفكر ينتقد

* مش عايزه حد يقولي بحبك ووقت ما نتخانق احس اني عدوته
بس عايزه حد يراعي ربنا فيا ووقت ما نزعل من بعض يكون رحيم بيا

* مش عايزه حد يقرر لي حياتي تمشي ازاي
بس عايزه حد ينصحني بالراحه ويقولي اعمل ايه عشان حياتي تبقي احسن

*مش عايزه حد يكلم عني في ضهري
بس عايزه حد يفكر هيضايق اد ايه لو هو اللي الناس عماله تكلم عليه

* مش عايزه حد يقولي بطلي سذاجه وطيبه ويوريني الدنيا بعين عميا
بس عايزه حد يفهم اني عارفه الناس وحشه ازاي بس كمان عارفه ان ربنا موجود جنبي

*مش عايزه ناس تفتكر اني كتبا الكلام عشان حد معين يفهمه
بس عايزه الناس تفهم اني كتباه عشان تعملولي لايك وكومنت .. أكيد مفيش كلام

Once upon a time a friend of mine * an old one * told me that bed time story , actually he made it up just to cheer me up , so here am telling it to you on my own way  to cheer u up too Guys  .. SO
>>>>>>>>


Once upon a time , there was a small turtle called Zoza .. she had a monkey friend called Didi whom was her best friend .
they knew each other since they were young , and though  they we really close to each other .. Zoza was always jealous of Didi because he was playing & jumping over the trees all the day while she was stuck into her shell . and one day she saw a star & she made a wish ... < An evil one > she prayed that the monkey won't be able to jump again , so she won't feel left behind anymore and it seems that the starts granted her wish ~ to teach her later the lesson of her life~ . the next day while they were playing in the jungle .. The poor monkey fall from a tree and broke his knee ,the turtle was thrilled because he won't jump any more as she wished . the monkey after he broke his leg had to sit in home for awhile till he gets well and the turtle felt more lonely , so one day she convinced him to go out with her for a walk in the jungle , he couldn't say no to his dear friend ,

so while they were walking in the jungle and singing together , .a huge lion attacked them , Zoza quickly vanished in her shell while the poor monkey was in a big trouble , he will be a sweet feast to the lion if he doesn't come up with an idea soon , he tried to jump but it was useless ," he can't run ,he can't move even " thought zoza .. she felt guilty " it is all my mistake " she said
" Only if i didn't wish that stupid wish " , it was too late , the lion was attacking Didi already ,yet she prayed again for another wish . Suddenly the lion turned his back to Didi and went in his own way , he saw a deer between the bushes and ran after it , Didi was shocked " how did that happen !!!!! " he asked himself , he didn't know that the stars granted another wish , but yet Zoza was feeling sad and guilty as she never saw how the monkey's legs were all he had to jump and run away as she had her shell to hide into it , when someone attacks them .. both the monkey's legs and the turtle's shell was their only defense against predators . she hugged Didi and apologised to him but Didi didn't get what zoza was telling So she had to tell him the whole story in their way back to home .. and as good friends always forget and forgive .. Didi also did the same :) and Zoza realized that god gave us equal gifts when he created us , but we don't appreciate what we have till it is gone because we are too busy envying other people for what they have although it might be a small thing regarding what we have . and she learned that ~ one stupid wish can turn your life into a hell and one sincere prayer can turn it into a heaven ~ SO Watch out for what you wish for guys , Broken glass can't be fixed except with a * Miracle * and this is for u ES .. if u got the chance to read it , i want u to know that ~ i will never forget the good memories , thank u :) ~

أتسالني ما علتي ؟
والعيون تفضحني وعن سؤالك تجيب

 يا صاحبي الجسد تعب لا لمرض ولكن لحزن لا يغيب
فها هي ضفائري وانا ما زلت بريعان الشباب تشيب

العمر رحل في سقم يا طبيبي والجروح
بالقلب .. كثر
وكيف لجروح القلب ان يوما تطيب

أدماه الاحبه فويل لحب أمسي
 قلبي به عن نفسه غريب
خاب الظن وكنت احسب الظن بهما لا يخيب
فيا من تملكون قلبي .. رأفا بحال قلب لم يعد يقو علي النحيب

هذه هي علتي فاخبرني يا طييب .. كيف ستداوي جسدا
تأبي سهام احبته بقلبه الا ان تصيب

أرحل  فدائي لدواك غير مجيب
فالموت محتم ولكن يكفيني اني يوما كنت بعشقهم اطيب

لو أطول ارسم ع وش كل حد باحبه ضحكه .. كنت رسمت
بس تقريبا الفرحه تمنها غالي والضحكه اللي بتطلع من القلب تمنها أغلي19-10-2013

لا تبكي ع رحيل من كنت ستهديه دنياك باكملها ليسعد
ولا ترغم نفسك وتفعل *المستحيل * ليبقي -- فلو اراد ان يكمل عمره بجوارك لفعل * الممكن *حتي ولو بكلمه ترضيك وتطمئنك بانه لا يريد سواك من الدنيا ~ رومي 11-12-2013

ازرع الخير والحب في قلب كل بني ادم يمر بحياتك حتي لو مر ثواني
خليك ديما بني ادم سهل الناس تتعامل معاه وسهل يدخل قلوبهم ويطمنهم ان الدنيا لسه بخير
ومتزعلش من اللي بيجرحوا فيك ويصعبوا عليك حياتك كل يوم
كلنا هنموت واللي هيفضل مني ومنك الذكري بس فخلينا نبدا نحفر شويه ذكريات حلوه ف قلوب اللي حوالينا ~ نزرع الخير اللي بعد ما نموت هنحصده في الجنه باذن الله ~ 14-12-2013

استحاله انسي حد حبيته وحبني واستحاله لما افتكره انسي ادعي له
واستحاله الدنيا تمطر وانسي ادعي لحبايبي ان يكون ليهم نصيب ف الجنه
ولما تمطر تاني اللي بيحبني يا ريت يفتكرني بدعوه من قلبه  15-12-2013

Add caption

  جلست بجوار النافذه تتأمل كيف تتراقص عربه القطار علي الشريط الحديدي تحت أشعه الشمس الخلابه مختاله بنفسها كأميره  قد قدم لها فارسها باقه من زهور الياسمين فاسعد قلبها  وصارت ترقص وتحتضن باقتها وكأن السعاده قد حطت كل رحالها بين راحتي يديها  ,أغمضت عينها لتحتفظ بتلك الرؤي  الجميله لوقت أطول في حين أخذت  نسمات الهواء تنساب  علي نوافذ القطار وأخذ البعض منها  يهرب  لداخل العربات التي أكتظت براكبيها من نساء ورجال من مختلف الأعمار , البعض يحمل رضيعا او طفلا صغيرا معه والبعض يثقل كاهله حقائب اكتظت بمشتريات او مستلزمات لمنزله وبينما الجميع هائما بفكره في عالم أخر دخلت أمرأه مسنه العربه ترتدي معطفا قديما يخبئ تحته عظام وهنه , تتحامل علي عكازها الذي باتت امواج الكهوله تجتاح جذوعه الخشبيه .. أنتبهت للعجوز وضعف جسدها  فهمست  علي الفور بصوت عذب لها ومدت يدها لتأخذ عنها حقيبه يدها بعدما قامت  لتجلسها بمقعدها وحينما كانت تستوي العجوز علي المقعد, اذا بطفل صغير يتعثر بقدمي الفتاه بينما كان يركض وراء صاحبيه .. ساعدته الفتاه علي الوقف وهي تبتسم له ... لم يكن يرتدي ثياب مثل باقي الصغار في العربه , لقد كسا جسده النحيف قميص ممزق وبنطال رث ولكن أبتسامته الملائكيه البريئه لم تجعلها تلتفت لما كان يرتدي ..

توقف صاحبيه عن الركض بعدما أصاح بعض الراكبين فيهما ليكفا عن أزعاج الاخرين بصوت ضحكاتهم .. ساد الهدوء  وأنطفأت أبتسامه الصغار ووضع ذو الوجه الملائكي يده فوق فمه وخبأ أبتسامته عن الجمع العبوث  وظلت عيناه تبتسم للفتاه  ولكن الهدوء لم يدم طويلا فقد دخل القطار الي المحطه وبدأت أبوابه تنفتح أمام الركاب الجدد .
صعدت أمراه وزوجها ومعهما طفلهما الصغير وصعد أيضا رجل عجوز  يتكأ علي ذراعي شاب في مقتبل العمر يبدو وأنه  حفيده .. للمره الثانيه لم تثير الكهوله والشيب حميه الشباب الذين جلسوا في مقاعد كبار السن وذوي الأحتياج بدون أستحياء بينما وقف الرجل العجوز يتحامل علي ذراعي الحفيد حتي لا يقع وتهان شيبته , نظرت الفتاه الي العجوز وتمنت لو انها كانت تملك مقعدا اخر لتجلسه عليه ولكنها لم تكن تملك ذلك المقعد ولا حتي فسحه  كافيه من أرض القطار لتقف مستويه وتحمي نفسها من التخبط مع من حولها عند أهتزاز القطار .

حاولت أن تفكر في طريقه لتساعده , فطلبت من الشباب الذين كانوا يجلسون ورائها أن يقوم أحدهم ليجلس الرجل العجوز مكانه ولكن صوتها لم يكن ليرتد صداه في تلك القلوب الصماء فعلي  صوتها وصرخت " ليجلس أحد هذا العجوز مكانه "
هذه المره لقا صياحها صدي في أذن الجميع  .. ترددت الكلمه في الهواء حتي أرتطمت بجميع أركان العربه , أنتبه الجميع اذن !!
ظنت هكذا , ولكن أبت قلوبهم الا ان تشرد بعيدا بينما تمسكت أجسادهم الفانيه بمقاعدها .
ساد الصمت من حولها ..  فأبتسم لها العجوز شاكرا لأهتمامها وبعينيه يطمئنها انه ليس غاضبا لان احد لم يجلسه مكانه .. أبتسمت له وأشاحت بوجها بعيدا حتي لا يلمح تلك الدمعه في عينها و بداخلها يصرخ قلبها " ربي لا تردني الي  أرذل العمر .. لا تردني لزمان يهان فيه الشيب "

مدت المرأه العجوزه ذات المعطف القديم يدها لتربت علي ذراع الفتاه وقالت لها بصوت حنون " هوني عليكي يا بنيتي فالله أرحم بنا من أمهاتنا " أبتسمت الفتاه لها وعيناها تتلالأ بدموع الشفقه علي من حولها .. فقد ماتت قلوبهم وهم ما زالوا في ريعان الشباب .
دخل القطار الذي هجرته نسمات الهواء وتوقفت عرباته عن التخايل علي قضبان السكه الحديد الي اولي المحطات تحت الأرض التي بدت مزدحمه جدا
وسرعان ما  فتحت الأبواب و أخذ كل من علي الرصيف التدافع الي داخل العربه  لا يكترثون لمن يتعثر بجوارهم ولا بمن يصطدم بحواف أبواب القطار أثناء خروجه منه .. بدت الفوضي تجتاح العربه وعلت الاصوات التي تنوعت ما بين صراخا ونحيب وبين تهكم وسخريه .. بدت العربه كالجحيم تتناطح فيه الشياطين .
لم يدم الوضع طويلا فقد أغلقت الأبواب وما أن أخذ القطار في التحرك حتي هدأت الأصوات قليلا .. هدأت شيئا فشيئا حتي كادت ان تصل للسكون , تنفست الفتاه الصعداء فقد رحلت الشياطين .

هي لم تدرك أن الشياطين لم ترحل فقط بل و حضرت الملائكه الي العربه أيضا .. صوت عذب يتردد في أركان العربه , ليس بصوت بشر ولكنه نغمات تتراقص .. يا لرقتها وسحرها الفتان , أنها اله " الهارمونيكا" .
حضرت الملائكه ومعها بائع الهيرمونيكا الذي أخذ يعزف  ويطرب القلوب حتي يبيع ما أتي حاملا له .
تهافت عليه الصغار , كل يحمل بضع الجنيهات التي أعطاها له والده او والدته ليشتري هارمونيكا .. والصغير الذي ركب القطار مع أمه وابيه في المحطه التي صعد فيها الرجل العجوز وحفيده أخذ يصيح بأبيه ليشتري له هارمونيكا هو أيضا .
مد الأب يده للبائع بثمن الهارمونيكا  حين تعلقت عين الصبي الفقير ذو الابتسامه الملائكيه بما اشتري الصبي الاخر .. أبتسم من معه والديه وأخذ يعزف علي الته حين تجمدت الدموع بعين الاخر .

كلاهما صبي .. لا  يرغبان في الكثير من  الحياه ,  فقط يرغبان ببعض الالعاب والملابس النظيفه والطعام والشراب أحدهما نال ما تمني وأكثر والاخر لم ينل شئ ..
تدخلت الفتاه لتحاول ان تزن كفتي الميزان قليلا .. فذهبت وأشترت هيرمونيكا واحده من البائع وعادت الي حيث جلس الصبي بعيدا في أخر العربه مخبأ هذه المره عينيه بيديه حتي لا تفضحه دمعاته , رتبت علي رأسه  فرفع عينيه اليها وتغيرت الدموع لشهقه مدويه مصحوبه بضحكه صافيه من ثغره الجميل .
فرح بألته وفرحت هي لفرحته .. ولكن صاحبيه قد صاحا فيها بعبوس شديد " لم لم تشتري لنا نحن أيضا هارمونيكا ؟! "
أجابت وهي خجله " لم يعد معي نقود كافيه "
لم تكن تكذب فرغم ان الهارمونيكا زهيده الثمن الا انه يجب عليها ان تشتري بضع الحاجات ولو اشترت لهم هما ايضا اثنين لأثر ذلك علي ما سوف تشتريه .

هي لن تسطيع ان تزن يوما كفتي الميزان ولن يستطيع أحد ان يزنها وحده , هكذا أدركت ضعف قدراتها .
ولكن كما قالت المرأه العجوز ( الله أحن علينا من أمهاتنا ) وقد كانت المراه العجوز أما يوما .. وكانت تعلم ان اكثر ما يفرح الصغار هو الالاعب ..ربما يفرحهم اكثر حتي من الطعام والشراب , فنادت للبائع وهمست في اذنه بشئ لم ينتبه له أحد الا عندما صرخ الصغيران فرحا بما أعطاه لهم البائع .. لقد حصل كل منهما علي الهارمونيكا ..
دخل القطار الي المحطه للمره الثالثه ووقفت المرأه ذو المعطف القديم وكانها  ستهم بالرحيل وهرع اليها الصغيرين شاكرين اياها فاخذت تبتسم لهم ثم استدارت ورتبت علي كتفي الفتاه وهمست في أذنها للمره الأخيره " لن تسطيعي وحدك ان تغيري الكون ولكن نستطيع جميعا ان نغيره معا حين يأذن لنا الله  "
ثم أشارت للرجل العجوز ليأتي ليجلس مكانها .. وجلس الرجل أخيرا ليريح شيبته وهو ممتن لها  , نزلت من القطار ونزل معها الصغيرين ومعهما الصبي ذو الوجه الملائكي  يتراقصون فرحا ويلوحون بأيديهم الصغيره للفتاه

ثلاثتهما يعزف علي الهارمونيكا .. للحظات كانوا أطفال مثل باقي الاطفال لا يعبئون بشئ من الدنيا سوا باللعب
هكذا تتزن كفتي الميزان ويمسي الكون أفضل  حين نهدي الأخرين  ~ لحظه سعاده ~ ليتراقص علي نغماتها قطار أعمارهم .
   

أنا باعتذر عشان هاكتب لاول مره الموضوع كامل باللغه العاميه , أصله هو مش محتاج تعقيد زياده علي التعقيد اللي فيه وأنا باقول من اولها اهو هو طوووووويل بس  لو قرتوه  للاخر  مش هتندموا علي الوقت اللي ضيعتوه في قرايته  و هحاول اخليكم تضحكوا  شويه ويمكن  تفهموا معني ( شر البليه ما يضحك )  ودا وعد معني ونقطه وابتدي اصدع دماغكم من أول السطر ..

بعد أربع سنين تخرج من كليتي الجميله أكتشفت اني مكنش لازم أدخل طب بيطري , الصراحه عشان مكنش باكدب هو من حوالي 9 سنين الاحساس دا جالي لو حسبنا الخمس سنين اللي راحوا من عمري هدر فيها  بس زي ما بيقولوا كليه في الايد خير من عشره في جامعات خاصه وهو أساسا انا كنت اخترت ادخلها عشان اندم دلوقت !!
بس الصراحه بردك التنسيق كتر خيره علي سنتي ضرب علاوي اوي وبدل ما كان زماني دخلت صيدله ولا اسنان زي ما  كنت مرتبه نفسي لاقيت بيني وبين الكليه اللي باحلم بيها 0.2% ومن غير ما أشتم ولا أحسبن ولا أفتكر اليوم اللي مطلعتلوش شمس دا وانا قاعده مش لاقيه كليه ادخلها رغم اني جبت 95.8  % والمفروض ادخل الكليه اللي نفسي فيها بس ما علينا مش هنقف علي التفاصيل البايخه دي - أهو بيطري  مش وحش  بردك .. ممم مش وحش اوي يعني ,  الصراحه هو وحش  ووحش اوي كمان والصراحه انا واخده علي خاطري منه اوي اوي اوي

لو جينا للحق هو كليه عظيمه بجد اللي بيتخرج منها بيعرف فايده  دعا الوالدين اكيد لان اللي داخلها ( امه كانت داعيه عليه )  زي حالاتي , بس بجد هي كليه بتعلم حاجات كتير لو كنا اتعلمناها صح ولاقينا الاحترام المفروض نلقاه فيها كدكاتره كان علي الاقل طلعنا بنحبها بس مش دا المهم لان كل الكليات فيها قرف ودكاتره محتاجين دكاتره يعالجوهم اساسا ومناهج عايزه الحرق بتزود نسبه الغباء اللي هي اساسا موجوده من ساعه ما دخلنا ثانوي وعلي رأي حد كان عايز يشلني * الدكاتره اللي بيدرسوا لنا دول زي بابا وماما لازم نستحملهم *
انا عرفت ليه جالي الضغط من ساعه ما دخلت الكليه يلا منه له اللي في بالي , دلوقت انا اتخرجت وقاعده مرميه في البيت لا شغله ولا مشغله * تصحيح .. انا نازله شغل بعد كم يوم قولوا يا رب وشيفاك يلي عمال تقر هناك بعنيك المدوره دي
بس  عشان الناس متقورش وتنق , الشغل ملهوش علاقه ببيطري لا من قريب ولا من بعيد الا لو اعتبرتم الستات اللي بتهتم ببشرتها حيوانات ... ومن غير ما  حد يتعصب هافهمكم
أنا خلصت الكليه وكلي يقين أني هاشتغل , ما هو لا يبقي كليه عدله ولا شغل كمان , بس مش عارفه كنت جايبه اليقين دا منين
خاصه ان السي في بتاعي فاضي وخانه الخبرات بيضا فله .. بعت السي في لكل العيادات البيطريه والمعامل واني الاقي حد يعبرني  ولا الهوا .. كلهم  اسم الله عليهم  شارطين الخبره مش فاهمه بتتباع فين الخبره دي عشان اشتريها بعد الكليه .. يعني اللي متخرج دا نشتريله خبره منين عشان نشغله ؟!

ما علينا مجليش رد غير من شركه ايبكو كتر خيرهم بس كانوا عايزين مندوبين full time
ولاني بنت مكنش ينفع أترمي بره البيت طول اليوم  فرفضت اني اشتغل معاهم وروحت علي البيت  *ملحوظه :  بعدين هتعرفوا ان بعد كده اترميت طول اليوم وبمرتب اعفن من بتاع ايبكو ومكلمتش *
 دخلت البيت قعدت ابعت السي في بس المره دي لناس مكنوش طالبين دكاتره اساسا , عملت زي البياعين بتوع المترو اللي يجوا يرمولك لبان علي حجرك غصب عنك حتي لو قولتله مش عايز .. ماشيين بمبدأ يمكن نفسك تهفك او يصعب عليك البياع وتاخدلك باكو , انا كمان في واحد صاحب عياده صعبت عليه وكلمني ورحت عملت معاه انترفيو واااااايه تخيلوا
أتقبلت طبعا  , تصدقوا أتقبلت وفي عياده بيتس كمان يعني حظي من السما .. بس طبعا مكنتش هابقي قاعده باكتب الكلام دا واصدعكم بيه  لو كنت كملت فيها .
هما شهرين يا حزومبل وواحد زميل ليا ومن دفعتي * تصدقوا من دفعتي * مكنتش بانزل له من زور ولا هو الصراحه كنت باطيقه
كتر خيره طفشني من الشغل * حكااااايه طويله  مش هاوجع راسكم بيها بس أتعلمت منها حاجه مهمه
 اتعلمت ان في ناس بتأذي من غير سبب ومهما كنت  شاطر في شغلك وبتراعي ربنا  لازم هتشوف الاشكال الضاله دي وهي بتعمل اي حاجه عشان  تضايقك وتنكد عليك عيشتك * يلا منه له هو كمان *

ورجعت تاني ( عاطله عن العمل ) وبقت صفحه نت تجبني وصفحه نت توديني .. أني الاقي شغل .. ابدااا
فين  يا عبد الصمد , حوالي 6 شهور عقبال ما لاقيت شغلانه تانيه بس الصراحه كان مجهودي جبار ساعتها كنت بابعت السي في لكل الناس غتاته حتي اللي عايزين سكرتيرات والله وافتكر اني بعت لشركه سياحه مش فاكره كنت هاشتغل ايه هناك بس بعت وقولت يمكن الصناره تغمس وأشتغل .
بس الصناره طلعت فاضيه وطلعت انا الطعم اللي كان هيتاكل في الاخرلو ستر ربنا .. أصلها كانت شركه بنت ستين في سبعين يعني بمعني أصح اللي استلم السي في بتاعي شاف صورتي فيه وقال يقل أدبه شويه يلا منه لله هو راخر * متقلقوش الحسبنه في الموضوع دا للركب *
,أتعلمت تاني درس مبعتش السي في بتاعي فيه صورتي أبداااا عشان في ناس بنت ناس مش كويسين خاااااالص بيستغلوا حاجه غيرهم ويعملوا لهم مصايب .

المهم  أمي بعد ما صعبت عليها رميتي في البيت وقاعدتي علي النت عماله اشحت شغل قالت  تدخل وحاولت تلاقيلي شغل وفعلا كان في صيدليه عايزه دكاتره * هييييه أخيرا حاجه عدله بقي * وطبعا من اول ما اتكلمت مع الدكتور صاحب الصيدليه ووافق عليا علي طول بس المرتب كان كبير اااااااوي الصراحه لدرجه ان اول شهر قبضت فيه كان 3 ايام وخلصان .. بس مش مشكله اهو دكتوره وخلاص , بس الزباين كانوا ساعات بيرفعولي الضغط خاصه وانا بأديهم الحقن بس مش مشكله دول زي امي بردك , بس ساعات كمان باشتغل من 10 الصبح ل 12 بليل من غير ما اخد شلن اوفر تايم حتي بس مش مشكله أديني بأتعلم ,  دا أنا خسيت النص .. مش مشكله دي لياقه حتي  , والفكاهه بقي لما جالي سواق ميكروباص عشان انضفله جرح ولما سالته عشان انا فضوليه طبعا اتعورت ازاي يا ابني ؟! ..  فتح المطوه في وشي .. متفهموش غلط مش انا اللي اتثبت هاااااع  , هو كان بيوريني المطوه اللي عورت صباعه وهو بيلعب فيها بس  * يكش كانت تعور زورك ونخلص منك يا بعيد *
 وخد عندك عشان تكمل وزاره الصحه عملت كبسه قصدي * تفتيش * وخدت أدويه بتلات الالاف جنيه وكان شويه وهياخدوني معاهم بس مش مشكله صاحب الشغل طيب خطري  وقالي هيخفف الشغل عليا شويه ..
بقيت بابيع الأدويه واصرف الروشتات واقرا التحاليل ولو حد  غلبان بيشتكي من حاجه بقيت اشخص حالته ولو محتاج تحاليل اقوله يروح يعملها ويرجع اقرها له واديله العلاج كمان * سبعه صنايع والبخت ضايع يا بوي *
صبغه شعر أبيع  خلي الستات تحلي في عين اجوازتها ونسبه الطلاق تقل شويه  , شامبو ميضرش خلي الناس تستحمي والريحه اللي بتخلينا يغموا علينا في المترو تقل شويه  , بامبرز ب 1.25 جنيه الواحده عادي مش هنزعل الزباين ولا نونات الزباين ربنا يبارك ويزيد  بس  بعد دا كله عيل صغير يقولي ( برشامه صداع بربع جنيه يا أبله ) اهي دي اللي مش ممكن اقبلها أبدا .. يخرب بيتك * أبله * شايفني ماسكه عصايه وعماله ادرسلك في الفصل يا اخويا ؟!
طب والله لنا سايبه الشغل وعليها وسبته ...

من فضل ربنا عليا ان 10 ايام وكنت لاقيت شغل تاني وبردك عن طريق السي في التبت اللي بابعته لكل الناس
نزلت عياده بيتس أداني اول شهر 300 جنيه وركزوا دول صفرين مش تلاته .. ايون 300 جنيه اتصرفوا بردك في اول يومين
ملحقتش احوش منهم للاسف واحوش ازاي وهو مقبضني مرتب اول شهر بعد شهر من اول شهر اساسا
اللي كنت استلفت عشان اجيب فلوس المواصلات بتاعه 300 وعليهم 300 كمان بالعصير والحلويات  اللي بنفطر بيهم انا والقطط والكلاب في العياده * ومحدش يشتم * بس مينفعش اقعد افطر والكلاب والقطط قاعده بصالي في كيس الشيبسي مش ناقصه نزله معويه هي .. بتهيائلي عمر ما في دكتور بيطري روش القطط والكلاب بكانزات بيبسي وشيبسي زي ..
بس كنت مبسوطه اوي بشغلي اللي في الاول كان من 4 العصر ل 11.30 بليل بعدين ماسكني الدكتور العياده شفت الصبح او حسب كلامه من 9 الصبح ل 5 العصر بس تقريبا ساعته كانت محتاجه بطاريه لاني بقيت مقضياها من  9 الصبح ل 11 بليل
اخدله كم يوم مبيجيش العياده وعليها العامل كمان مبيجيش وسبحان الله انا والقطط والكلاب بقينا بس اللي بنجي  وملتزمين بالمواعيد
أضطريت أكل الحيوانات وأرتب العياده مينفعش تبقي مبهدله وجيلنا زباين وخاصه ان الزباين بتوع البيتس تنكين خلقه معرفش ليه !!
 , بقيت أظبط المواعيد واقف أكشف والممتع بقي ان يجيلك كلب بيتبول خنيق بيخاف من نفسه اساسا ولسه متعلم العض جديد شكله او صاحبه جايبه يعلمه عليا .. يعني انا المفروض اكشف ولا امسكه ولا انيل ايه .. حد قال للناس دي اني سوبروومن ؟!!!

بس دا مكنش مشكله بالنسبه لي اوي لاني كنت بحاول اتاقلم علي الوضع اللي فيه اي كان  لاني عايزه اتعلم حاجه ليها علاقه بمجالي وحتي  لما كنت أروح متأخر وعربيه فيها شويه شباب * هنا بقي مش كفايه حسبي الله ونعم الوكيل واحده * يحاولوا يكسروا عليا علي الكوبري اللي منور بالعافيه واه مفيش غيره عشان اعدي لمكان ما هاركب  .. بليل بالنهار الزباله واحده والنفوس المريضه مبتتغيرش بس الفرق ان بليل عربيات بتكسر عليا والصبح ناس بتمشي ورايا وسمعاك يلي بتقول علي ايه .. وانا كمان مكنتش عارفه علي ايه
بس هنا أتعلمت الدرس التالت ان مهما كنت محترمه ولبسي كويس هلاقي ناس تحاول تضايقني العيب مش فيا العيب في نفوسهم المريضه .
المهم بعد عضات كتير في ايدي الشمال وخرابيش ملهاش حصر في أيدي اليمين قررت أني أنسحب علي رأي وائل جسار وسبت العياده بكلابها وقططها اللي متأكده ان مش هيالقوا حد زي يديهم العصير بتاعه ولا هيلاقوا حد يعبرهم لما يجوعوا اساسا ..
وأنتهت لحد كده حكايتي مع العيادات اللي واضح اني مش وش عيادات ولا وش قطط وكلاب

من شهر أربعه اللي فات وانا باخنق علي الناس بالسي في كالعاده بس الحمدلله المره دي واحده صاحبتي هي اللي جابتلي الشغل اللي هانزل قريب * ربنا يكرمها * وعارفين فين ؟!
في صيدليه سيف بأذن الله وقبل ما تنشكحوا اوي وتفرحولي وتبوظوا المود النكد اللي حطتكم فيه احب اقولكم انه * أستشاري تجميل *يعني من الاخر بياعه منتجات خاصه بالبشره او مكياجات وما الي ذلك والغريب بردك اني اتقبلت علي الرغم اني مش بافهم اي حاجه في العنايه بالبشره  بس الحمدلله لاول مره الاقي حد يبصلي واصعب عليه .. الدكتور اللي عملت معاه الانترفيو بصلي وهو مضايق اوي الصراحه فكرت بيني وبين نفسي في الاول  * تلاقيه مضايق عشان جايبلنه واحده مبتفهمش حاجه عن منتجات العنايه بالبشره ومش بتحط ميكب اساسا عشان تبقي خبيره تجميل .. هي ناقصه عاهات *
علي  غير العاده طلع ظني وحش وبعد نظره الشفقه اللي طلعت شفقه فعلا في عين الراجل اللي كان سبب اني كتبت الموضوع دا
قالي : " أنا مكنتش فاكر أن حال البلد وصل للدرجه دي دكتوره بيطريه عايزه تشتغل الشغله دي ؟! "
طبعا مكنش عندي رد غير : وأنا كنت لاقيت شغل تاني في مجال وقلت لا

المهم الراجل كان طيب الصراحه بس سكعني كلمه كده خلتني أفكر كتير في ازاي الناس بتشوف اللي زي .. * العاطلين قصدي *
" لا تلاقيكي أنتي اللي مكسله تدوري علي شغل "
الصراحه يا عمو أه انا كسوله جدا .. أقولك ايه اصل اللي ميعرفش يقول عدس
أقوله ايه طيب قولولي بعد ما حكيت لكم  .. يلا معلش اصله ما شفنيش وانا بتظلم في شغلي من واحد معندوش ضمير ولا وانا طالع عيني طول اليوم في الصيدليه من غير شلن زياده ولا وأنا بيتاكل حقي في العياده وباخد 300 جنيه اللي وزاره البيئه بتدي اكتر منهم للي بينضفوا الشوارع  ..ولا وانا ماشيه باترعش من الخوف ليجرالي حاجه في مره  وانا مروحه من العياده ,  اقوله ايه طيب !!!!
أه أنا كسوله حبتين فعلا

 بس العيب مش عليه ..
~ العيب علي خلي مكتب التنسيق يتحكم في رغباتنا * سبحان الله * دي حتي يا عالم أسمها رغبات مش أجبارات
~ العيب علي اللي وهمنا أن طب بيطري كليه هتعلمنا ازاي نبقي أطباء بيطرين فعلا من غير ما تفقدنا أحترامنا لنفسنا
~ العيب علي اللي علمنا أزاي نحفظ المعلومات لمده 24 ساعه وبعد الأمتحان نفرمت مخنا ونخليه فله عشان نعرف ندش للماده اللي بعدها  ببساطه عشان الكلام مش بيتفهم عشان يتذاكر .
~ العيب علي أستاذه الجامعه اللي متعلموش ازاي يعلموا ولا يفهموا معني كلمه تربيه وتعليم * واسفه في أستثناءات اكيد * بس في الاخر هما أقليه والاغلبيه تستحق تتعدم في ميدان عام علي التعليم المنيل اللي بيعلموه ومش بيعلموه في كلياتنا وجامعاتنا .
~ العيب علي اللي قال ال هيشغلنا و خلانا نشيل شنطه  ونلف علي الدكاتره عشان يعملوا ديل لدوا يا عالم اساسا هو دوا كويس ولا لا
هما باعوا  ضميرهم واحنا مطلعناش مش احسن منهم .
~ العيب علي اللي كان بيقبل يحرق ويدي هدايا عشان يسوق لاي حاجه ويا ريته بيكسب الا هو خسران ومديون كمان وبردك مطلعناش احسن منه .
~العيب علي اللي أستغل ظروفنا وادانا مرتبات واقعه وشغلنا زي أسفه  * التيران في ساقيه * ووالله لكل واحد هيتحاسب قدام ربنا علي استغلاله لظروف غيره .
 ~ العيب علي اللي خلي حالنا وصل لكده .. العيب علي الحكومه اللي بتنقي الوزرا فيها بالمحسوبيه والوساطه
العيب عليها عشان علمتنا * ازاي نغش وازاي منتعلمش *
وكمان العيب علينا عشان مش عارفين نغير حاجه ولا عارفين حتي نراعي ربنا في نفسنا .

وطبعا الاكيد ان العيب فينا لاننا جننا اهلنا فدعوا علينا فدخلنا بيطري  :D
 وبعد ما نكدت عليكم وعملت المطلوب مني حبا اديكم شويه تفاؤل مش عارفه ازاي بس اكيد هتفرحوا
لاني اخيرا هاخد مرتب زي البني ادمين ... هااااع اخيرا هاقب علي وش الدنيا بقي ويمكن تضرب معايا وأفتح حساب في البنك ولا حاجه  ومش هاقولكم مرتبي  كم عشان متنقوليش فيه :)))


بس بجد .. احنا ممكن نعمل ايه عشان نغير من الوضع الي اتفرض علينا دا او علي الاقل عشان اللي جايين بعدنا ميضطروش يمروا باللي مرينا بيه ؟ فكروا معايا ..RGM